U20 tapti eftir brotskastkapping

Tað eydnaðist ikki U20 landsliðnum hjá monnum at spæla seg í finaluna í EM-kappingini í Makedonia. 

Tað skuldi brotskastkapping til, fyri at avgreiða dystin, sum var móti verttjóðini, Makedonia.

Tað var ein ógvuliga javnur fyrri hálvleikur, har liðini skiftust um at føra. Tá farið var til hálvleiks var støðan 13-12 til makedonar.

Í seinnahálvleiki var líkt til, at Makedonia fór at strúka avstað við sigrinum, tí teir løgdu seg á odda við fimm málum, men føroysku dreingirnir vóru ídnir og raskir.

Í síðstu minuttunum var spenningur fyri allar pengarnar. Tá lítið minuttur var eftir, fóru Føroyar í álop og føroysku dreingirnir tóku av møguleikanum og javnaðu.

Harvið skuldu Føroyar og Makedonia út í brotskastkapping. Í brotskastkappingini gjørdust føroyingarnir ov stuttir og máttu lúta fyri favorittunum.

Føroyski málverjin, Hørður Trygvason, varð kosin dagsins leikari.

Føroyar skulu sostatt spæla um 3. ella 4. plássið. Tann dysturin verður í morgin klokkan 16.30 føroyska tíð móti Sveis.

Málskjúttar:
Brandur Halgirsson 6
Leivur Mortensen 6
Vilhelm Poulsen 5
Høgni Zachariassen 3
Niklas Hanusarson 2
Bartal Klein Olsen 2
Hallur Arason 1

Hesar 16 møta Svøríki og Íslandi

21. september 2023

Landsliðsvenjararnir, Claus Mogensen og Simon Olsen, hava úttikið hesar 16 leikarar til EM-undandystirnar móti Svøríki og Íslandi, ávikavist tann 12. og 15. oktober.

Felags kós við Navigare

21. september 2023

Hondbóltssambandið og shippingfyritøkan Navigare hava longt verandi stuðulsavtalu fram til 2026.

Neistakvinnur og H71 út í Europa

20. september 2023

Komandi vikuskiftið skulu kvinnurnar hjá Neistanum og H71 spæla European Cup dystir. Bæði feløgini spæla dystirnar á útivølli.