Venjingar kunnu byrja aftur

Eftir at korona-smitta aftur varð staðfest í Føroyum, heitti Hondbóltssambandið hósdagin, tann 6. august, á feløgini um fyrbils at steðga við allari felags innandura venjing til týsdagin, tann 11. august. Nú kunnu venjingar byrja aftur.

Teir seinastu dagarnar hava sera nógv fólk latið seg kanna fyri korona. Talið á smittaðum er fallandi, og meta myndugleikarnar, at tamarhald aftur er á støðuni. Vísandi hertil hevur HSF avgjørt at taka aftur áheitanina um at steðga við allari felags innandura venjing.

Mælt verður tó feløgunum til at leggja venjingarnar til rættis við størsta varsemi. Í sambandi við venjingar mæla vit feløgunum til at fylgja hesum ráðum:

  • Allir leikarar, sum luttaka í venjingunum, eiga nýliga at verða kannaðir fyri korona.
  • Hevur persónur, sum luttekur í venjingunum, minstu tekin um krím, skal viðkomandi halda seg heima.
  • Verður smitta staðfest millum leikarar/venjarar/hjálparfólk skulu almennu tilmælini viðvíkjandi sóttarhaldi fylgjast. Hetta merkir í útgangsstøðinum, at allur hópurin, sum hevur vant saman, skal í sóttarhald.
  • Leikarar møta til venjing í venjingarklæðum og nýta ikki skiftingarrúmini.
  • Leikarar hava egnan drekkidunk við til venjing.
  • Vestar og venjingarútgerð skal í mest møguligan mun einans handfarast av einum persóni, og øll útgerðin skal vaskast áðrenn og aftaná venjing. Venjingarútgerð má ikki nýtast av fleiri venjingarbólkum, uttan at venjingarútgerðin verður sprittað/vaskað millum venjingarnar.
  • Allir leikarar, venjarar og hjálparfólk skulu vaska/spritta hendur áðrenn og aftaná venjing.
  • Øll eiga at hava egið spritt við til venjing.
  • Neyv skráseting skal verða av, hvør luttekur/er til staðar undir venjingunum.
  • Mælt verður til, at so leingi sum talið av smittaðum í Føroyum er stórt, skulu allir leikarar við jøvnum millumbilum lata seg kanna fyri korona.

Hondbóltssambandið fylgir korona-støðuni neyvt, og er ætlanin at venda aftur við fleiri fráboðanum so hvørt, sum viðurskiftini broytast.

Kvinnurnar til Trier

12. mai 2025

Hóast lutakastið ikki hevur verið enn, so er tað greitt, at føroyska kvinnulandsliðið skal spæla innleiðandi HM-bólkaspælið í Trier í Týsklandi. Týska hondbóltssambandið hevur ynskt at staðseta Føroyar í Trier, hetta í mun til atgongumerkjasølu.

Fyrsta pláss á kókandi heimavølli

11. mai 2025

Føroyar hava vunnið bólk 6 í EM-undankappingini og eru flúgvand til EM-endaspælið við 9 stigum. Føroyar vunnu í kvøld, 35-27, móti Ukraina í einari kókandi høll Við Tjarnir. Hálvleiksstøðan var 15-13 til Føroyar.

Kunning til áskoðarar

10. mai 2025

Vit síggja fram til eina stórsligna løtu sunnudagin 11. mai í fullsettari høll við Tjarnir, har føroyska landsliðið tekur móti Ukraina í seinasta heimadystinum í EM-undankappingini.

Ein loysn frá Sendistovuni