Við Smyril Line inn í 2022 og 2023

Smyril Line er ein av trúgvu stórstuðlunum hjá hondbóltinum í Føroyum, og er sponsorsáttmálin við HSF nú longdur, galdandi fyri 2022 og 2023.

2022 verður sjeynda árið hjá HSF saman við Smyril Line og hittust Gunn Ellefsen, forkvinna í HSF, og Henny á Líknargøtu, sølu- og marknaðarstjóri í Smyril Line, herfyri, at undirskriva nýggja sáttmálan.

– Tað er hugtakandi at síggja, hvussu hondbólturin hevur megnað at savnað føroysku tjóðina til bæði altjóða og heimligar kappingar seinastu árini. Úrslitini hava verið góð, og síggja vit hvussu fleiri og fleiri leikarar fáa tilboð úr útlendskum feløgum. Hesi góðu tilgongdini og menningini vilja vit gjarna stuðla og skapa góðar karmar fyri, heilsar Henny á Líknargøtu.

– Góðir og trúgvir stuðlar eru alt avgerandi í teimum málum vit í HSF hava sett okkum. Smyril Line hevur verið við til at stuðlað og tryggjað tað uppbygging, sum hevur verið seinastu árini. Uppgávurnar gerast bara størri og meira avbjóðandi og sær 2022 út til at blíva eitt sera spennandi ár fyri okkara landslið, bæði hjá monnum, kvinnum og ungdóminum, sigur Gunn Ellefsen.

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.