A-landsliðið hjá monnum venur saman hesa og næstu viku í Føroyum. Eftir venjingina í Hoyvíkshøllini í morgun varð farið yvir í nýggju stórhøllina við Tjarnir, har Tummas Justinussen, ein av stigtakarunum til verkætlanina, og sum situr í bygginevndini, vísti runt og greiddi frá.
Høllin verður eftir ætlan tikin í nýtslu um ein góðan mánað og verður hon nýggi heimavøllurin hjá føroysku hondbóltslandsliðunum. Myndin er tikin á komandi skrivstovuni hjá HSF við Tjarnir, har umsitingin fer at halda.
Í heyst skipar HSF aftur fyri stig 1 í venjaraútbúgvingini. Byrjað verður við stig 1.1 tann 7. oktober 2026, meðan stig 1.2 byrjar í januar. Skeiðið er skipað við online tilfari og trimum samlingum.
Leygardagin 22. august verður venjararáðstevnan við gestaundirvísaranum, Jordi Ribera. Ráðstevnan er fyri venjarar í føroysku feløgunum og verður Við Tjarnir.
Sunnudagin, 16. august 2026, er seinasti møguleiki at ogna sær føroysku atgongumerkini til HM-endaspælið í Týsklandi. Eftir freistina verða atgongumerkini leysgivin í almennari sølu, har øll kunna ogna sær atgongumerki.
Ein loysn frá Sendistovuni
