11 venjarar hava lokið triðja stig av venjaraútbúgvingini

Hetta er fyrstu ferð, at HSF hevur skipað fyri triðja stig av venjaraútbúgvingini. Venjarar, ið hava lokið triðja stig av venjaraútbúgvingini, kunnu nú søkja um upptøku á EHF Master Coach útbúgvingina.

Vit eru sera errin av, at 11 hava lokið hesa útbúgving og eru nú klárir at taka næsta stigið á venjaraleiðini.

Útbúgvingin hevur tikið eitt ár, og hevur talt 165 undirvísingartímar. Undirvísingin hevur fevnt um bæði framløgur, fyrilestrar, bólkaarbeiði og praktiskar venjingar á gólvinum, har dentur hevur verið lagdur á fakliga menning og royndir í verki.

HSF fegnast um stóra áhugan fyri venjaraútbúgvingini og verður støðugt arbeitt við at menna og styrkja venjarastøðið í føroyskum hondbólti.

Vit vilja ynskja øllum hjartaliga til lukku og alt tað besta framyvir í venjaralutinum. 

Agnar Joensen
Kristinn Guðmundsson
Zeljko Jotic
Sebastian Christensen
Hjalti Mohr Jacobsen
Hans Andreas Dahl
Djóni Gaard Joensen
Dávur Clementsen
Mladen Mjerimacka
David Edvardsen
Jesper Bak (vantar á myndini)
Mads Lindkvist (vantar á myndini)

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni