Atgongumerki til Føroyar – Ísland

Í morgin, týsdagin 10. mars kl. 10.00, koma atgongumerkini til EM-undankappingardystin hjá kvinnum millum Føroyar og Ísland til sølu. Dysturin verður leiktur mikudagin 8. apríl Við Tjarnir. Sølan verður á heimasíðuni tjarnir.fo.

Sitipláss til Føroyar – Ísland eru atgongumerki, har setrini eru talmerkt, meðan standipláss eru atgongumerki, har ein kann standa í økinum kring gyrðingina handan áskoðaraplássini. Børn undir skúlaaldur sleppa ókeypis inn, men mugu tó sita hjá einum vaksnum. Um tey ynskja egið setur krevur hetta atgongumerki. Møguleiki verður at keypa í mesta lagi 6 atgongumerki í hvørjum keypi.

Eitt sitipláss kostar 200 kr., meðan eitt standipláss kostar 150 kr. Eitt avgreiðslugjald kemur afturat í sambandi við keypið.

Dystirnir í viku 15 eru tveir teir seinastu í EM-undankappingini og koma at avgera um Føroyar koma víðari til endaspælið. Fyrri dysturin er á heimavølli móti Íslandi, mikudagin 8. apríl og hin seinasti á útivølli móti Montenegro, sunnudagin 12. apríl.

Um áskoðarar hava áhugað at fara til dystin í Montenegro, ber til at seta seg í samband við HSF, umvegis hsf@hsf.fo fyri at tryggja sær atgongumerki. 

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni