5-máls tap fyri Eysturríki

Føroysku kvinnurnar vóru væl við í løtum, hóast dysturin móti Eysturríki endaði 24-29, eftir hálvleiksstøðuna 12-15.

Føroysku kvinnurnar byrjaðu dystin sera væl og vóru frammanfyri 5-2 eftir stívliga 5 minuttir. Eftir eitt eysturríkskt time-out, komu tær betri inn í dystin og fylgdust liðini eina løtu. Seinastu løtuni av fyrra hálvleiki gekk heldur strilti hjá okkara at fáa mál, tá ov nógvir møguleikar vóru misnýttir.

Føroyska liðið hevði tað eisini trupult fyrru helvt av seinna hálvleiki, har Eysturríki vardi væl. Um miðjan hálvleik var Eysturríki frammanfyri 17-25. Okkara góvu tó ongantíð upp og seinastu 10 minuttirnar hálaðu okkara inn aftur til endaligu støðuna 24-29.

Liðini møtast aftur leygardagin kl. 16.30 í Maria Enzerdorf sunnanfyri Wien í Eysturríki.

Málskjúttar hjá Føroyum:
Jana Mittún 6
Súna Krossteig Hansen 4
Turið Arge Samuelsen 3
Pernille Brandenborg 3
Maria Halsdóttir Weyhe 3
Ninna Katrin Johansen 3
Lív B. Zachariasen 1
Brynhild Pálsdóttir 1

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni