Eftir at pakkaatgongumerkini til EM-dystirnar hjá Føroyum hava verið til sølu í eina tíð, koma nú dagsatgongumerkini til sølu. Sølan byrjar mikudagin 31. mai kl. 11.00.
Føroyingar sita higartil í sektiónunum 406, 407, 408, 201, 217, 218, 219, 220 og 104, hartil smærri bólkar aðrastaðni, t.d. 202 og 205. Dagsatgongumerki kunnu keypast á her: Order tickets for Men’s EHF EURO 2024 Germany (eurohandball.com)
Dystirnir í bólkinum hjá hjá Føroyum liggja soleiðis:
Hósdagin 11. januar kl. 18.00 (týsk tíð): Slovenia – Føroyar og Noreg – Pólland
Leygardagin 13. januar 20.30 (týsk tíð): Føroyar – Noreg og Pólland – Slovenia
Mánadagin 15. januar kl. 18.00 (týsk tíð) : Pólland – Føroyar og Slovenia – Noreg
Møguleiki verður nú eisini at keypa atgongumerki millumumfarið, hálvfinalurnar og finaluna.
