U17- og U21-menn til Íslands

Komandi vikuskiftið fara føroysku U17- og U21-manslandsliðini til Íslands, har liðini fara at spæla tveir venjingardystir hvør móti Íslandi.

Dystirnir verða leygardagin og sunnudagin á Kaplakriki, sum er heimavøllurin hjá FH í Hafnafirði. Dystirnir verða stroymdir og verður leinkja løgd út seinni.

Dystirnir liggja soleiðis:
Leygardagin 3. juni kl. 16.00 U17 Ísland – Føroyar
Leygardagin 3. juni kl. 18.30 U21 Ísland – Føroyar
Sunnudagin 4. juni kl. 15.00 U17 Ísland – Føroyar
Sunnudagin 4. juni kl. 17.30 U21 Ísland – Føroyar

U17-landsliðið skal í summar luttaka í European Open í Svøríki, har liðið skal kappast í døgnum 5. – 9. juni. Føroyar eru í bólki saman við Spania, Ísrael, Finnlandi og Hollandi.


Hjá U21 eru dystirnir móti Íslandi liður í fyrireikingunum til HM-endaspælið, sum verður í Týsklandi dagarnar 20. juni – 2. Føroyar eru í bólki saman við Angola, Japan og Spania.

Venjararnir hjá U17-landsliðnum eru Mark Lausen-Marcher og Kristinn Guðmundsson, meðan Julian Johansen og Mark Lausen-Marcher hava U21.

Venjararnir hava úttikið ein breiðan U17-leikarahóp til dystirnar í Íslandi og kappingarnar í summar, har ávísir leikarar eru við móti Íslandi, aðrir bert European Open, og ávísir báðum. Hjá U21 verður HM-hópurin úttikin eftir dystirnar móti Íslandi.

U17-landsliðið:
Málverjar:

Ingi Johannesen, H71 (Ísland)
Nóa Larsen, EB (Ísland)
Torkil Skála, ÍA (Svøríki)
Bjarni Gunnarson Jacobsen, VÍF (Svøríki)

Útileikarar:
Magnus Árason, Neistin
Magnus Rubek Carlsen, H71
Filip Haldansen, VÍF
Jón Midjord, H71
William Napoleon Djurhuus, H71
Brian Eyðfinnson, Neistin (Svøríki)
Jákup Egholm, H71
Helgi Halldorsson, H71
Torkil S. Dahl, VÍF (Svøríki)
Haraldur Karlsson, H71
Jógvan Andrias Lamhauge, Ajax København
Lýðar í Dímun, Neistin
Bogi Jógvansson Christiansen, Neistin (Ísland)
Rúnar Hammer, Ajax København
Fríði í Innistovu, VÍF
Jógvan Svarthamar, VÍF (Ísland)

U21-landsliðið:
Málverjar:

Pauli Jacobsen, H71
Rói Borum Davidsen, KÍF

Útileikarar:
Janus Dam Djurhuus, ÍBV
Pauli Høj, Neistin
Baldur Gillason, H71
Hákun West av Teigum, Skanderborg-Aarhus
Bogi Hansen, H71
Kristoffur Bjørgvin, VÍF
Pauli Mittun, Kristiansand Topphåndbold
Brian Slyne, KÍF
Ovi Lützen, Neistin
Sveinur Olafsson, H71
Rói Ellefsen á Skipagøtu, H71
Ísak Vedelsbøl, Neistin
Sakir Tróndarson Frýdal, H71
Kristian Jensen, VÍF

U17-manslandsliðið úttikið

16. mai 2025

Vikuskiftið 6. – 8. juni verður stórsligin ungdómskapping í hondbólti fyri U17-menn í Føroyum. Talan er um nýggja kapping, rópt Nordic Open, í ár fyri aldursbólk 2008 og 2009, sum Hondbóltssamband Føroya skipar fyri. Hesir eru úttiknir at umboða Føroyar.

6 endapøl í ár

16. mai 2025

Tað er ikki bert okkara A-landslið við monnum og kvinnum, ið hava tryggjað sær luttøku í HM og EM endaspølum. Komandi árið eru 6 endaspøl á skránni.

Slovenia, FØROYAR, Montenegro og Sveis

15. mai 2025

Tað var greitt undan lutakastinum, at Oslo verður heimstaðurin hjá føroyingum til innleiðandi bólkaspælið í EM-endaspælinum í januar. Vertirnir høvdu ynskt at staðseta Føroyar í bólk D, hetta við atgongumerkjasølu fyri eyga. Við lutakastinum í Herning í kvøld, gjørdist greitt, at mótstøðuliðini verða Slovenia, Montenegro og Sveis.

Ein loysn frá Sendistovuni