EM-lutakastið hjá U18 og U20

Lutakastini til U18- og U20 EM-endaspølini hjá monnum hava verið í dag. U18-landsliðið var í øðrum styrkislagi og kom í bólk F saman við Spania, Eysturríki og Finnlandi, meðan U20-landsliðið, sum var í triðja styrkislagi, kom í bólk B saman við Serbia, Sveis og Turkalandi.

Talan er um fyrstu altjóða skrásettu dystirnar hjá U18-árganginum og er tískil ilt at meta um mótstøðuliðini hjá U18. U20-menninir komu í bólk B saman við Serbia, Sveis og Turkalandi. Serbia gjørdist nr. 6 í U18 EM-endaspælinum og nr. 10 í U19 HM-endaspælinum. Sveis gjørdist nr. 11 í bæði U18 EM-endaspælinum og í U19 HM-endaspælinum. Turkaland vann seg hvørki til U18 EM-endaspælið ella U19-HM-endaspælið. Føroyar gjørdust nr. 15 í U18 EM-endaspælinum og nr. 19 í U19 HM-endaspælinum. U20 EM-endaspælið verður leikt í býunum Cluj og Turda í Rumenia í døgunum 8. – 19. juli.

Lutakastið:

EHF EURO – U18 mynn
Beograd, Serbia, 29. juli -9. august 2026
Bólkur A: Svøríki, Slovenia, Frakland, Norðurmakedonia
Bólkur B: Týskland, Serbia, Italia, Turkaland
Bólkur C: Portugal, Kroatia, Kekkia, Ísrael
Bólkur D: Ungarn, Ísland, Sveis, Montenegro
Bólkur E: Danmark, Noreg, Slovakia, Pólland
Bólkur F: Spania, Føroyar, Eysturríki, Finnland

EHF EURO – U20 menn
Cluj/Turda, Rumenia 8.-19. juli 2026
Bólkur A: Týskland, Portugal, Frakland, Grikkaland
Bólkur B: Serbia, Sveis, Føroyar, Turkaland
Bólkur C: Ísland, Spania, Eysturríki, Lettland
Bólkur D: Danmark, Noreg, Kroatia, Norðurmakedonia
Bólkur E: Svøríki, Rumenia, Ísrael, Bosnia Hersegovina
Bólkur F: Ungarn, Slovenia, Kekkia, Pólland

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni