Ætla at endurvinna greipuna

Hjá kvinnunum er VÍF favorittur at endurvinna føroyameistaraheitið.

Tað vita tey eisini í Vestmanna, og greipuvinnararnir renna heldur ikki undan favorittleiklutinum.

– Hópurin sær góður út. Kjarnan er so at kalla tann sama sum í fjør, so málið er at vinna báðar finalurnar. Tað sigur Agnas Olsen, liðskipari hjá VÍF.

Størsti missurin hjá VÍF er uttan iva Marianna Holm Jacobsen, sum mátti takka fyri seg í endaspælinum í fjør eftir enn ein knæskaða. Líkt er til, at hon fer ikki at spæla hondbólt aftur. Ársins málverji, Kristina Griksaite er eisini givin. Vivian Petersen, sum farna kappingarár royndi seg í íslendsku deildini, skal nú verja málið ístaðin. Afturat hópinum eru eisini komnar Halla Skylv Midjord og Daniella Joensen.

– Vit hava vant miðvíst alt summarið og eru til reiðar til eitt nýtt kappingarár. Eg eri ikki reiðiliga greið yvir, hvussu hini liðini eru fyri, men at vænti mær truplar dystir móti serliga Kyndli og Neistanum, sigur Agnas Olsen.

U17-manslandsliðið úttikið

16. mai 2025

Vikuskiftið 6. – 8. juni verður stórsligin ungdómskapping í hondbólti fyri U17-menn í Føroyum. Talan er um nýggja kapping, rópt Nordic Open, í ár fyri aldursbólk 2008 og 2009, sum Hondbóltssamband Føroya skipar fyri. Hesir eru úttiknir at umboða Føroyar.

6 endapøl í ár

16. mai 2025

Tað er ikki bert okkara A-landslið við monnum og kvinnum, ið hava tryggjað sær luttøku í HM og EM endaspølum. Komandi árið eru 6 endaspøl á skránni.

Slovenia, FØROYAR, Montenegro og Sveis

15. mai 2025

Tað var greitt undan lutakastinum, at Oslo verður heimstaðurin hjá føroyingum til innleiðandi bólkaspælið í EM-endaspælinum í januar. Vertirnir høvdu ynskt at staðseta Føroyar í bólk D, hetta við atgongumerkjasølu fyri eyga. Við lutakastinum í Herning í kvøld, gjørdist greitt, at mótstøðuliðini verða Slovenia, Montenegro og Sveis.

Ein loysn frá Sendistovuni