Atgongumerkini til EM-fyrireikingardystirnar hjá Føroyum móti Belgia eru nú til sølu. Atgongumerkini fáast til keyps á atgongumerki.fo.
Fríggjadagin og leygardagin, 5. og 6. januar, spælir føroyska manslandsliðið fyrireikingardystir undan EM-endaspælinum í Týsklandi. Dystirnir vera á heimavølli í Høllini á Hálsi móti Belgia, báðar dagarnar kl. 19.30.
Belgia vann seg ikki í EM-endaspælið, men tapti sínar dystir sera tepurt móti Kroatia, Hollandi og Grikkalandi. Belgia vann seg í seinasta HM-endaspælið, og gjørdist liðið tá nummar 21 av 32 londum.
Føroyar hava møtt Belgia 7 ferðir áður, og hava úrslitini verið hesi:
27.10.12 Belgia – Føroyar 36-22
18.01.03 Belgia – Føroyar 24-17
15.01.03 Føroyar – Belgia 22-22
13.10.87 Belgia – Føroyar 28-14
12.10.87 Belgia – Føroyar 32-13
09.02.86 Belgia – Føroyar 17-11
01.12.76 Belgia – Føroyar 25-24
