Skrivað: Ári Rouch

U19 EM-endaspælið er av, og Føroyar endaðu nr. 20 av 24 liðum. Føroyar runnu aftaná tað mesta av dystinum móti Slovenia í dag og taptu 31-23, eftir hálvleiksstøðuna 15-13 til Slovenia.

Niðurlond høvdu fleiri streingir, styrki og langskjúttar enn Føroyar í dag. Niðurlond vunnu 28-23, eftir hálvleiksstøðuna 13-11 til Niðurlond.

Eftir ein misjavnan fyrra hálvleik, har okkara vóru aftanfyri 21-14, vunnu Føroyar 39-38 á Litava eftir brotskastkapping. Føroyar tóku sær veruliga um reiggj í seinna hálvleiki og endaði vanligi dysturin 32-32, hareftir farið varð beint til brotskastkapping.

Landskappingarnar hjá SMS, Burn, 1. deild og ungdómum, niður til U14, eru nú komnar út og liggja á heimasíðuni hjá HSF.

Við einari vælleikandi Silju Geirsdóttir Eystberg á odda vunnu Føroyar fyrstu EM-stigini til eitt ungdóms-EM-endaspæl á kvinnusíðuni. Føroyar vunnu ein tryggan 32-25 sigur á Finnlandi.

Hóast Sveis út frá úrslitunum í kappingini burdu verið eitt lið Føroyar kundu spælt upp við, so bleiv talan um ein dyst, har Føroyar ongantíð veruliga vóru við. Skotneyvleikin var ikki til staðar og okkara fingu ongantíð tingini at rigga.

Talan var um dyst, sum ikki hevði stórvegis týdning fyri Føroyar, og taptu okkara eisini greitt, 33-22, móti Týsklandi í dag. Ein dystur har venjararnir skiftu nógv út og í stóran mun fyrireikaðu seg til komandi meginumfarið, har dysturin um HM-plássini næsta summar av álvara byrjar.

Føroysku fyrireikingarnar til komandi EM-endaspælið í Oslo byrja av álvara um mánaðarskiftið oktober/november, tá manslandsliðið skal luttaka í Golden League Gjensidige Cup í Tróndheimi í Noreg. Leiksskráin fyri kappingina er nú kunngjørd og sær soleiðis út.

Hóast føroyska verjan og málverjar stóðu sera væl, so var tað ikki nokk til at basa Spania í dag. Føroysku U19-kvinnurnar taptu 22-16, eftir at Spania var á odda 8-6 í hálvleikinum.

Fyrsti dysturin hjá føroysku U19-kvinnunum í EM-endaspælinum var góðkendur. Føroyar góvu Rumenia skarpan gang, og var dysturin ikki veruliga avgjørdur fyrr enn seinastu 5 minuttirnar, tá Rumenia dróg frá. Úrslitið gjørdist 31-25 til Rumenia, eftir at tær vóru frammanfyri 14-13 í hálvleikinum.