Dómararnir fyrireika seg til komandi kappingarár

Eins og feløgini leggja seinastu hond á fyrireikingarnar til komandi kappingarár hesa tíðina, fyrireika dómararnir seg eisini.

Dómararnir hava dømt nógvar venjingardystir seinastu tíðina og eru saman á dómaraskeiði komandi vikuskiftið. Skeiðshaldari er navnframa danska dómaraparið Mads Hansen og Martin Gjeding, sum hava dømt á ovastu rók í donskum og altjóða hondbólti í meira enn 20 ár.

Á skeiðnum verða nýggjastu reglur og tulkingar viðgjørdar, hvussu ein góð felags linja verður løgd í dømingini, umframt testir. Eisini verður almennur fyrilestur fríggjadagin kl. 19.00 í BankNordik, har Mads Hansen fer at greiða frá, og fáa vit innlit í spennandi altjóða dómaraheimin.

Dómaranevndin hjá HSF fegnast um vaksandi talið av dómarapørum seinastu árini. Komandi kappingarár eru heili 10 pør, sum kunnu døma dystir í fremstu deildunum.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni