Mynd: StÍFHóast góð avrik, so er tað greitt, at European Cup er av fyri føroysku liðini hetta kappingarárini. StÍF og H71 taptu samanlagt, í ávikavist Serbia og Bosnia Hersegovina, og eru sostatt, eins og H71-kvinnur, úti úr European Cup.
StÍF høvdu eitt avbjóðandi lutakast við serbisku Vojvodina og taptu eisini greitt, 38-27 og 34-21, 72-48 samanlagt. Talan var um mótstøðu, sum spældi upp móti europeiskum stórfeløgum í European League seinasta kappingarár, men gjørdu StÍF ein góðan figur, serliga í fyrra dystinum.
H71 høvdu møguleikar móti bosnisku Konjuh Zivinice, men taptu ov nógv í fyrra dystinum, 36-28. Tað órógvaði tíverri verjuspælið nógv, at Peter Krogh fekk reytt kort eftir 5 minuttir. Hoyvíkingar vóru nær við at vinna tapið innaftur í seinna dystinum, men blivu tvey mál ov stuttir. H71 vann 26-20, men taptu 56-54 samanlangt.
