Faroe Islands Handball Cup í Vági

Í august í ár verður á fyrsta sinni skipað fyri stórari hondbóltskappingin í Vági undir heitinum Faroe Islands Handball Cup. Faroe Islands Handball Cup er kapping fyri bæði føroysk og útlendsk hondbóltslið, men verður í 2020 bert fyri føroysk lið. Talan er um hondbóltskapping fyri aldursbólkarnir frá U10 til og við U16 og fyri bæði gentur og dreingir – og harumframt verður eisini skipað fyri kapping fyri vaksin, fyri kvinnur og menn.

Fyri børn og ung bjóðar Faroe Islands Handball Cup tríggjar dagar við hondbóltsspæli, har spælt verður í Marghøllini í Vági og í Vágs Høll í døgunum 3. til 5. august 2020. Tey vaksnu spæla í døgunum 14. og 15. august 2020.

Men Faroe Islands Handball Cup er nógv meiri enn bara hondbóltur.

Faroe Islands Handball Cup eisini upplivingar fyri lívið í framúr góðu umstøðunum í Vági, bæði í hallum, í nærumhvørvinu, á fjørðinum og úti í náttúruni annars. Kvøldini verða merkt av hugna og samveru, har tey ungu njóta løturnar saman í Vági.

Umframt hondbólt bjóðar Faroe Islands Handball Cup svimjing í Páls Høll, klatring á klatrivegginum í Marghøllini, Leikaland í Marghøllini, diskotek í VB-húsinum, sigling og spæl á fjørðinum, túrar burtur í haga og mangt mangt annað. Og fyri tey foreldur og vaksin er Faroe Islands Handball Cup eisini ein framúr stevna við tilboðum á matstøðum og kafeum, í handlum og ikki minst innan ferðavinnuna.

Fyri tey vaksnu verður talan um eina innleiðandi kapping til hondbóltskappingarárið, har kvinnur og menn sleppa at spæla fleiri dystir yvir tveir dagar. Eisini hjá teimum vaksnu eru hugni og samvera ein partur av kjarnuni í Faroe Islands Handball Cup, sum endar við felags veitslu leygarkvøldið 15. august.

Gestablídni í Vági er tiltikið og er tað okkara mál at Faroe Islands Handball Cup gerst eitt upplivilsi fyri lívið hjá luttakarunum, bæði leikarum, venjarum og liðleiðarum og fjepparum.

Tilmelding til Faroe Islands Handball Cup fer fram á heimasíðuni www.handballcup.fo og fyrstu liðini eru longu tilmeldaði. Í næstu framtíð verður eisini meiri kunning á heimasíðuni um prísir fyri luttøku, gisting og mat.

Meiri fæst at vita við at venda sær til Boga Mortensen, formann í VB.

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.