Føroyar møta Norðurmakedonia

A-landsliðið hjá monnum skal møta Norðurmakedonia í HM play-off dystunum í mai. Vinnarin yvir tveir dystir, ein úti og ein heima, kemur til HM-endaspælið í Danmark, Noreg og Kroatia.

Seinnapartin var lutakastið um hvørjum A-landsliðið hjá monnum skal møta í seinasta umfari av HM-undankappingini. Føroyar trektu Norðurmakedonia, sum heldur ikki komu víðari úr innleiðandi bólkaspælinum í EM-endaspælinum. Norðurmakedonia vann tó ein dyst, 29-27 móti Sveis. Fyrri dysturin millum Føroyar og Norðurmakedonia verður í Høllini á Hálsi miku- ella hósdagin 8/9. mai. Seinni dysturin verður í Norðurmakedonia leygar- ella sunnudagin 11/12. mai.

Samlaði vinnarin yvir teir tveir dystirnar kemur í HM-endaspælið, sum verður leikt í Danmark, Noreg og Kroatia í januar 2025.

Samlaða lutakastið sær soleiðis út:
Vinnarin Finnland/Litava – Ungarn
Vinnarin Belgia/Italia – Montenegro
Grikkaland – Niðurlond
Rumenia – Kekkia
Spania – Serbia
Føroyar – Norðurmakedonia
Slovenia – Sveis
Portugal – Bosnia Hersegovina
Ísland – Vinnarin Estland/Ukraina
Pólland – Vinnarin Slovakia/Ísrael
Georgia – Eysturríki

Harumframt luttaka í endaspælinum, vertslondini Danmark, Noreg og Kroatia. Hartil ovastu trý londini úr EM-endaspælinum, Frakland, Týskland og Svøríki.

U18-manslandsliðið er úttikið

17. juni 2024

Venjararnir, Mark Lausen-Marcher og Kristinn Guðmundsson, hava úttikið hesar leikararnar til fyrireikingarkapping í Lübek í Týsklandi í juni og U18 EM-endaspælið í Montenegro í august.

Hesir skulu til U20 EM-endaspælið

14. juni 2024

Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U20 EM-endaspælið í Slovenia.

Høgni og Andrias nú elitudómarar

12. juni 2024

Brøðurnir Høgni og Andrias Fríðuson Gaard verða komandi kappingarár elitudómarar í Danmark. Hetta merkir, at teir koma at verða partur bólkinum av fremstu dómarum í Danmark og skulu í fyrstu atløgu døma í 1. deild.