Tíðindi

Mynd: Rankinis



ORÐ

 HSF

Føroyar vunnu á Kosovo

U19-landsliðið við kvinnum vann seinnapartin ein tepran sigur á Kosovo. Úrslitið var 23-22.

Tað gekk javnt á at kalla allan dystin, men tað vóru Føroyar, ið høvdu leiðsluna tað mesta av dystinum. Tað vóru ongantíð meira enn tvey mál á muni.

Kosovo átti síðsta álopið og høvdu møguleika at javna, men Føroyar vardu væl fyri og vunnu dystin við einum máli.

Málskjúttar
Súna Krossteig Hansen 6
Maria Halsdóttir Weyhe 6 (1)
Lív Sveinbjørnsdóttir Poulsen 4
Ingunn Kristina Persson 2
Sólja B. Poulsen 2
Hjørdis Viðstein 1
Karin Skylv Midjord 1
Sólbjørt Høj 1

 

 

Atgongumerkjasøla Føroyar – Bosnia-Hersegovina

13. apríl 2026

Mánadagin 20. apríl kl. 10.00 koma atgongumerkini til HM play-off-dystin hjá monnum millum Føroyar og Bosnia-Hersegovina til sølu. Dysturin verður leygardagin 16. mai kl. 19.00 Við Tjarnir. Sølan verður á tjarnir.fo.

EM-lutakast hósdagin

13. apríl 2026

Komandi hósdag, tann 16. apríl kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Oradea ella Cluj-Napoca í Rumenia, í Brno í Kekkia ella Katowice í Póllandi.

Avgjørt í fyrra hálvleiki

12. apríl 2026

Hóast munurin var hin sami sum seinast móti Montenegro, 5 mál, so var talan um ein misjavnan føroyskan dyst, sum var meira ella minni avgjørdur í hálvleikinum, tá Montenegro var á odda 22-16. Bæði liðini skiftu nógv út í seinna hálvleiki, sum okkara tó vunnu 12-9, og gjørdist munurin sostatt bert 5 mál , 31-26.

Ein loysn frá Sendistovuni