Fram á mál saman við Wenzel

Hondbóltssambandið og P/F Wenzel hava gjørt nýggja sponsoravtalu og longt sponsorsamstarvið fram til 2026.  Wenzel er ein av stórstuðlunum hjá HSF og harvið ein av sjónligu stuðlunum á øllum klæðunum hjá landsliðunum.

Gunn Ellefsen, forkvinna í Starvsnevndini hjá HSF, var herfyri saman við landsliðsleikarunum Guðrið á Borg og Janu Mittún hjá P/F Wenzel á Slættanesgøtu 4 og vitjaði, har sáttmálin varð undirskrivaður saman við Rúna Djurhuus, stjóra, og Jórunn Gudmundsen, marknaðarleiðara.

– Sum stórur hondbóltsfjeppari, gamal hondbóltsspælari og fyrrverandi formaður í H71, hevur hondbóltur altíð fylt nógv hjá mær og liggur tað mær heilt natúrligt at stuðla, sigur Rúni. Tað hevur verið sera spennandi at fylgja góða arbeiðinum hjá HSF og menningini í føroyskum hondbólti. Vit hava nú verið saman á ferð, men steðga vit ikki her. Vit skulu gera tað enn betur, og gleði eg meg at fylgja við. Beint nú krossa vit allar fingrar fyri, at tað fer at gangast sum best í HM-endaspælinum hjá U21 í Týsklandi.

Gunn Ellefsen, forkvinna í HSF, krossar eisini fingrar. – Tað at Føroyar hava flutt seg stútt og støðugt fram á altjóða hondbóltspallinum seinastu árini, setur samstundis enn størri krøv til alt tað fyriskipanarliga, sum er rundan um sjálvan hondbóltin. Ítrótturin má hava tryggar karmar, og fegnast vit um tann hug og vilja fyritøkur sum Wenzel hava at standa saman um føroysku ítróttarfólkini.

Sponsoravtalan er galdandi fyri 2023, 2024 og 2025

Kemilux nýggjur stórstuðul hjá HSF

28. september 2023

Hondbóltssambandið og Kemilux hava í dag skrivað undir samstarvsavtalu, har Kemilux verður ein av stórstuðlunum hjá HSF í 2024 og 2025.

Intersport Night Cup 2023

26. september 2023

Nýtið heystfrítíðina aktivt! VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir. 

Neistin víðari og H71 úti

26. september 2023

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.