Fríkast: 50 dopingroyndir um árið

Í desember fór Anti Doping Føroyar undir egið eftirlit av føroyskum ítróttafólki. Frammanundan hevur verið neyðugt at fáa umboð úr Danmark til Føroya at gera eftirlitið, men tað er ikki neyðugt meira, tí nú hava fimm føroyingar loyvi at gera sokallaðu dopingroyndirnar.

Av somu orsøk verður nú møguleiki at herða eftirlitið og ætlanin er at gera 50 dopingroyndir um árið.

Í Fríkasti hesaferð greiðir Jarvin Feilberg Hansen, formaður í Anti Doping Føroya m.a. frá, hvussu fyrsta tíðin hevur hildnast og hvussu ítróttafólkini verða vald út. Hygg her. 

Fyri at fáa meira at vita um doping, kanst tú fara inn á heimasíðuna hjá Anti Doping Danmark www.antidoping.dk. Har finnur tú eisini dagførda listan yvir heilivág, ið ikki er loyvdur.

Doping og antidoping er altíð tín egna ábyrgd.

Atgongumerkjasøla til manslandsdystin

22. februar 2024

Í morgin, fríggjadagin 23. februar kl. 12.00, koma atgongumerkini til HM play-off dystin Føroyar – Norðurmakedonia til sølu. Atgongumerkini koma til sølu á atgongumerki.fo og kosta 150 kr.

Føroyar í potti 2

20. februar 2024

Føroyska manslandsliðið er styrkismett sum nummar 20 í Europa í løtuni. EHF hevur kunngjørt styrkismetingina undan lutakastinum til næstu EM-undankappingina. Føroyar verða sostatt í potti 2 av 4 til lutakastið.

Steypavinnarar 2024

20. februar 2024

Stóra Faxe Kondi steypafinaluvikuskiftið er farið afturum og var tiltakið aftur í ár sera væl vitja. 18 finalur vóru leiktar og hartil var eisini frálíka finalutiltakið saman við Eydnudeildini.