Komandi leygar- og sunnudag, 20. og 21. novembur verður annað umfar hjá hoyvíkskvinnum í European Cup spælt.
Dystirnir hesaferð verða spældir í Hoyvíkshøllini ímóti sveisiska liðinum, Spono Eagles. Báðir dystirnir byrja kl. 18.00.
Spono Eagles hava hagartil vunnið báðir dystirnir, júst sum H71. Tær spældu sínar fyrstu dystir ímóti KHF Vushtrria, sum eru úr Kosovo. Spono Eagles vunnu báðir dystirnir sanførandi 41-6 og 42-14, tilsamans 83-20.
Spono Eagles er stovnað í 1971, eins og H71, og hava vunnið sveisiska meistaraheitið 5 ferðir, steypakappingina 5 ferðir og sveisisku supercup kappingina 4 ferðir. Tær klára seg eisini væl í landskappingini í ár og liggja nummar trý.
