Stór menning er farin fram í H71 seinnu árini og góða gongdin tykist at halda fram. Higartil hava átta lið hjá felagnum leikt seg í Faxe Kondi finaluna í stóra hondbóltsvikuskiftinum, sum í ár verður 17. og 18. februar.
Frá U12 og til U18, eru øll liðini hjá H71 í finaluni, bæði hjá gentum og dreingjum.
Leygardagin eru hálvfinalurnar hjá U10 og tá hava tey bæði yngstu liðini hjá felagnum møguleika at vinna seg í Faxe Kondi finaluna.
Eisini stendur væl til hjá Neistanum við umboðan í Faxe Kondi finalunum. Higartil hava fimm lið vunnið sær finalupláss, ið eru U14 við gentum, U16 og U18 við gentum og dreingjum.
Hesi hava higartil ognað sær finalupláss:
G12 H71 – STÍF
D12 H71 – VÍF
G14 H71 – Neistin
D14 H71 – Kyndil/ÍA
G16 H71 – Neistin
D16 H71 – Neistin
G18 H71 – Neistin
D18 H71 – Neistin
