Heimsins besti hondbóltsspælari til Føroya

Millum stóru og sterku kvinnurnar hjá Serbia, sum skulu spæla móti Føroyum í næstu viku, er ein av evnaríkastu kvinnuligu hondbóltsleikarum í heiminum.

Talan er um Andrea Lekic, sum varð kosin heimsins besti hondbóltsleikari í 2013, tá Serbia tapti finaluna um heimsmeistaraheitið. Sama árið vann hon Champions Leauge við ungarnska liðnum, Gyor. Hon hevur eisini í fleiri førum verið í uppskoti til heiðurin sum heimsins besti hondbólsspælari. Hon er eisini vald sum besti spælstýrari í heiminum.

Andrea Lekic hevur spælt 93 A-landsdystir fyri Serbia og skorað 484 mál.

Føroyar spæla tveir landsdystir í næstu viku, sum eisini eru teir síðstu dystirnir í hesi EM-undankappingini. Tann fyrri er mikukvøldið 30. mai á heimavølli móti Serbia, ið endaði nummar níggju til HM í desember. Dysturin verður spældur í høllini á Hálsi í Havn klokkan 19.00.

Tann seinni er leygardagin 2. juni ímóti Svøríki á útivølli, ið endaði nummar trý til HM.

U19-kvinnur: Tap í verjukendum dysti

10. juli 2025

Hóast føroyska verjan og málverjar stóðu sera væl, so var tað ikki nokk til at basa Spania í dag. Føroysku U19-kvinnurnar taptu 22-16, eftir at Spania var á odda 8-6 í hálvleikinum.

U19-kvinnur: Spældu upp við Rumenia

9. juli 2025

Fyrsti dysturin hjá føroysku U19-kvinnunum í EM-endaspælinum var góðkendur. Føroyar góvu Rumenia skarpan gang, og var dysturin ikki veruliga avgjørdur fyrr enn seinastu 5 minuttirnar, tá Rumenia dróg frá. Úrslitið gjørdist 31-25 til Rumenia, eftir at tær vóru frammanfyri 14-13 í hálvleikinum.

Select klæðir landsliðini

8. juli 2025

Føroyskir landsliðsleikarar koma framhaldandi at verða klæddir í Select. HSF, Select og Sport24 hava longt klædnasáttmálan sínámillum fram til 2030.

Ein loysn frá Sendistovuni