Útvarpsrásin FM1 ætlar at gera nógv burturúr hondbóltinum kappingarárið 2018/19.
Sagt verður frá dystum í hvørjum umfari í landskappingini í bestu deildunum. Somuleiðis verður sagt frá dystum í steypakappingini.
Fyrsta frásøgnin verður sunnudagin, tá sagt verður frá dystinum millum SMS-liðini hjá VÍF og H71.
FM1 fer at ferðast til øll feløgini at siga frá dystum.
Hvønn fríggjadag klokkan 14.00 verður harumframt ein upptaktsending í ein tíma, har prátað verður við spælarar, viðmerkjarar og onnur.
