Ítróttarlig gleði og fíggjarligur viðfáningur

Hóast Føroyar taptu fyri Danmark, so kundu spælararnir allíkavæl fegnast um, at teir hava tryggjað sær luttøku í komandi EM-undankapping.

Atgongumerkið til EM-undankappingina í 2022 merkir tó samstundis, at Hondbóltssamband Føroya aftur stendur við ítróttarligu- og fíggjarligu avbjóðingini, at heimadystirnir hjá manslandsliðnum skulu spæla uttanlands.

– At vit sluppu undan niðurflytingarspælinum, er ítróttarliga gleðiligt og fíggjarliga kann hetta verða ein lítil sparing, men er tó ein viðfáningur í mun til sjálva undankappingina, sum vit nú skulu luttaka í, tí hon er kostnaðarmikil, eins og hon var hesaferð, greiðir Gunn Ellefsen, forkvinna í HSF frá.

Undanumfarið til undankappingarnar er vanliga skipað soleiðis, at allir dystirnir verða spældir í sama landi yvir nakrar fáar dagar, tí øll londini vilja spara pengar og verða tí samd um, at eitt land hýsir øllum dystunum. Samett við úti- og heimadystir, kostar eitt bólkaspæl hjá A-landsliðnum við monnum í verandi løtu áleið 1,7 milliónir krónur, har Føroyar spæla heimadystirnar uttanlands.

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni