Ítróttating leygardagin 21. mai

Komandi leygardag skipar ÍSF fyri Ítróttartingi, sum er eitt alment tiltak fyri øll sambond, feløg, venjarar og onnur áhugaði.

Undirheitið er: Børnini, breiddin, og tey bestu – kynstrið at skapa breiðar felagsskapir og rørsluføri alt lívið. Tiltakið verðu leygardagin 21. mai kl. 13.00 – 15.00 á Hotel Hafnia.

Á aðalfundinum hjá ÍSF leggur ítróttasambandið fram nýggja langtíðarætlan fyri føroyskan ítrótt. Henda ætlan inniheldur m.a. tilmæli um, hvussu ítróttafelagsskapir í Føroyum kunnu arbeiða við breiddini, og nær úrvalsvenjing kann byrja. Í tilmælinum verður heitt á øll sambond og ítróttafeløg, at geva børnum og ungum møguleika at venja nógvar ítróttagreinar so leingi sum gjørligt.

Á almenna tiltakinum verða faklig upplegg og umboð frá sambondum. Vit fáa fakligar grundgevingar og viðkomandi prát um, hvussu vit í felag íverkseta hesi tilmæli í ítróttafelagsskapum kring landið.

Skrá:

1. “Fjølbroyttar ítróttarroyndir skapa trivna, motivatión og heiðursmerki”
Magni Mohr, Ph.d., dekanur, professari í arbeiðs- og ítróttarfysiologi:
Um týdningin av at venja breitt – bæði fyri at náa toppinum og fyri at fáa eitt langt lív í ítróttinum.


2. “Toppurin er bara toppurin av ísfjallinum”
Magnus Johansson, UEFA – Tutor, spælara- og venjaravegleiðari hjá norska fótbóltssambandinum:
Um venjingarumhvørvið frá barna til ungdómsár og um potentiali í teimum, sum verða vald frá.

3. Umboð frá Hondbóltssambandinum, Fótbóltsambandinum og Róðrasambandinum greiða frá teirra arbeiði við at menna eitt umhvørvi fyri framtíðar íðkarar.

4. Opið prát um, hvussu vit í felag íverkseta tilmæli hjá ÍSF úti millum sambond og feløg kring landið.

Gallaveitslan 2024

17. mai 2024

Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.

Lutakastið til European Open 2024

15. mai 2024

Lutakast til European Open hevur verið í morgun, har føroysku U16-kvinnurar luttaka í døgunum 1. til 5. juli í Gøteborg.

Dagsatgongumerki til EM

14. mai 2024

Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.