Tíðindi



ORÐ

 Ári Rouch

Kyndilskvinnur eru steypavinnarar

Kyndil vann í dag eina sera spennandi Faxe Kondi steypafinalu móti H71. Úrslitið gjørdist 36-34, eftir longda leiktíð. Støðan eftir 60 minuttir var 29-29, eftir 13-12 til H71 í hálvleikinum.

 

Eftir eina nervøsa byrjan spældu bæði liðini til tíðir sera góðan hondbólt og skiftust liðini um at vera á odda. Ongantíð var munurin meira enn tvey mál í dystinum.

Dagsins leikarin var kosin Turið Arge Samuelsen, sum veruliga tók ábyrgd tá á stóð í umdystinum og avgjørdi dystin við trimum teimum seinast málunum hjá Kyndli.

Málskjúttar hjá Kyndli:
Turið Arge Samuelsen 12
Bára Krossteig Hansen 9
Súna Krossteig Hansen 7
Hjørdis Viðstein 4
Anja Eliasen 3
Bjørt Krossteig 1

Málskjúttar hjá H71:
Maria Halsdóttir Weyhe 12
Jana Mittún 8
Marita Mortensen 3
Guðrið á Borg 3
Rannvá Olsen 2
Vár B. Zachariasen 2
Brynhild Pálsdóttir 2
Eva Barba Arge 1
Lív B. Zachariasen 1

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.

Ein loysn frá Sendistovuni.