Heili 78 lið luttóku í U8-kapping í Høllini á Hálsi leygardagin. Hetta er metnógv, eftir at 77 vóru til U8-kapping 12. mars í Klaksvík í fjør.
Sostatt luttóku á leið 500 børn í kappingini, sum Neistin og Kyndil skipaðu fyri í felag. Talan var um 36 gentulið og 42 dreingjalið. Hetta var fimta U8-kappingin í vetur og verður seinasta kappingin leygardagin 11. mars í Badminton- og KÍ-Høllini í Klaksvík.
