Norra, Slovenia, Pólland og FØROYAR

Berlin verður heimstaðurin hjá føroyingum til EM-endaspælið í januar. Føroyar komu í bólk D saman við grannum okkara úr Norra, umframt Slovenia og Póllandi.

Dystirnir hjá Føroyum liggja soleiðis:
Hósdagin 11. januar Slovenia – Føroyar
Leygardagin 13. januar Føroyar – Pólland
Mánadagin 15. januar Norra – Føroyar

Dystirnir verða leiktir í Mercedes-Benz Arena, sum tekur 14.800 áskoðarar. Les meira um kappingina, hallir og skrá her: HERETOPLAY.COM – MEN’S EHF EURO 2024

Talan er um spennandi lutakast fyri Føroyar. Til seinasta EM, í 2022, gjørdist Norra nr. 5, Slovenia nr. 16 og Pólland nr. 12. Til seinasta HM, sum var í 2023, gjørdist Norra nr. 6, Slovenia nr. 10 og Pólland nr. 15.

U19-kvinnur: Tap í verjukendum dysti

10. juli 2025

Hóast føroyska verjan og málverjar stóðu sera væl, so var tað ikki nokk til at basa Spania í dag. Føroysku U19-kvinnurnar taptu 22-16, eftir at Spania var á odda 8-6 í hálvleikinum.

U19-kvinnur: Spældu upp við Rumenia

9. juli 2025

Fyrsti dysturin hjá føroysku U19-kvinnunum í EM-endaspælinum var góðkendur. Føroyar góvu Rumenia skarpan gang, og var dysturin ikki veruliga avgjørdur fyrr enn seinastu 5 minuttirnar, tá Rumenia dróg frá. Úrslitið gjørdist 31-25 til Rumenia, eftir at tær vóru frammanfyri 14-13 í hálvleikinum.

Select klæðir landsliðini

8. juli 2025

Føroyskir landsliðsleikarar koma framhaldandi at verða klæddir í Select. HSF, Select og Sport24 hava longt klædnasáttmálan sínámillum fram til 2030.

Ein loysn frá Sendistovuni