Jana Mittún, sum spælir við føroyska U18-landsliðnum, luttók í vikuskiftinum í “Respect Your Talent” átakinum hjá EHF í Wien.
Jana kom á all star liðið til EM-kappingina í summar og fingu allar hesar eina innbjóðing at luttaka í átakinum og at vera ambassadørar fyri Respect Your Talent.
EHF vil við átakinum stimbra kvinnuliga leiðaraleiklutinum í hondbólti og somuleiðis vísa á yrkismøguleikar eftir at leikarakarrieran er av.
Á skránni vóru m.a. hesi evni, tvíbýtta yrkisleiðin, anti-doping, samskiftisvenjing, sosialir miðlar og ítróttarlóggáva. Evnini vóru viðgjørd saman við fleiri kendum hondbóltsleikarum, sum nú hava stillað hondbóltsskógvarnar, men enn eru aktivar í hondbóltinum í øðrum leikluti, m.a. Anja Althaus og Kari Grimsbø.
