Skeið við Anju David Greve fysioterapeuti

Hondbólturin í Føroyum er seinastu árini, í størri mun, vorðin ein heilársítróttagrein og við øktu venjingarmongdini er vandin fyri ovbyrðan at akslum eisini størri. Samstundis er týdningurin av styrkisvenjing eisini vaksin í hondbóltinum, um man skal vera við í fremstu røð og er hetta eisini ein økt byrða fyri herðarnar.

-Vit hava seinastu árini sæð eina øking av akslaskaðum millum okkara leikarar og hava serliga yngru leikararnir verið raktir. Tískil gjørdu vit av, at bjóða Anju Greve at halda eina verkstovu um akslar saman við okkara fysioterapeutum og kropsligu venjarum, sigur Mark Lausen-Marcher, ítróttastjóri í HSF.

Anja David Greve er fysioterapeutur hjá Odense HC, GOG og er knýtt at danska manslandsliðnum, har hon við góðum úrslitum hevur viðgjørt akslaskaðar. Fleiri føroyskir leikarar hava eisini verið til viðgerðar hjá henni við akslaskaðum. Anja David Greve var útbúgvin fysioterapeut í 2005. Hartil hevur hon hjánám í ítrótti og heilsu á Syddansk Universitet og víðari útbúgving innan ítróttarfysioterapi.

Skeiðið er fyri fysioterapeutar og fysiskar venjarar, sum eru tengd at føroysku hondbóltsfeløgunum og HSF og annars øðrum, sum hava áhuga. Skeiðið er fullteknað og verður í Hoyvíkshøllini fríggja- og leygardagin 23. – 24. okt.

Kvinnurnar til Trier

12. mai 2025

Hóast lutakastið ikki hevur verið enn, so er tað greitt, at føroyska kvinnulandsliðið skal spæla innleiðandi HM-bólkaspælið í Trier í Týsklandi. Týska hondbóltssambandið hevur ynskt at staðseta Føroyar í Trier, hetta í mun til atgongumerkjasølu.

Fyrsta pláss á kókandi heimavølli

11. mai 2025

Føroyar hava vunnið bólk 6 í EM-undankappingini og eru flúgvand til EM-endaspælið við 9 stigum. Føroyar vunnu í kvøld, 35-27, móti Ukraina í einari kókandi høll Við Tjarnir. Hálvleiksstøðan var 15-13 til Føroyar.

Kunning til áskoðarar

10. mai 2025

Vit síggja fram til eina stórsligna løtu sunnudagin 11. mai í fullsettari høll við Tjarnir, har føroyska landsliðið tekur móti Ukraina í seinasta heimadystinum í EM-undankappingini.

Ein loysn frá Sendistovuni