Starvslýsing – Søkt verður eftir samskipara

Spennandi starv sum samskipari hjá Hondbóltssambandi Føroya hálva ella fulla tíð er nú leyst at søkja.

Í umsitingini hjá Hondbóltssambandi Føroya starvast frammanundan tvey starvsfólk. Harumframt hava fleiri venjarar og onnur, sum varða av okkara landsliðum, sína dagligu gongd hjá Hondbóltssambandinum.

Uppgávurnar eru nógvar og fjøltáttaðar, og fara at verða endaliga býttar millum starvsfólkini í umsitingini, tá nýggjur samskipari er settur.

Tað er ikki avgerandi, hvørja útbúgving ella royndir tú hevur, men vilja gjarna frætta, hvussu tú heldur, at tú kanst verða við til at arbeiða fyri at menna føroyskan hondbólt, harundir at arbeiða fram ímóti, at Hondbóltssamband Føroya kann náa sínum altjóða málum.

Tað er harumframt týdningarmikið, at tú:

  • ert ágrýtin
  • ert sjálvstøðug/-ur
  • ert røkin
  • hevur góðar førleikar at samskifta og samskipa
  • hevur góð samstarvsevni
  • hevur góðar teldu- og málførleikar

Starvið verður lønt sambært nærri avtalu.

Freistin at søkja er mánadagin 25. november 2019.

Umsókn skal sendast við telduposti til ge@lawfirm.fo ella til:

Hondbóltssamband Føroya
Postboks 1023
110 Tórshavn

Viðmerk “Umsókn” á brævbjálvan.

Vilt tú vita meira um starvið, ert tú vælkomin at seta teg í samband við Gunn Ellefsen, forkvinnu í HSF, á telefonnummar 593040 ella við telduposti til ge@lawfirm.fo.

 

Kvinnurnar til Trier

12. mai 2025

Hóast lutakastið ikki hevur verið enn, so er tað greitt, at føroyska kvinnulandsliðið skal spæla innleiðandi HM-bólkaspælið í Trier í Týsklandi. Týska hondbóltssambandið hevur ynskt at staðseta Føroyar í Trier, hetta í mun til atgongumerkjasølu.

Fyrsta pláss á kókandi heimavølli

11. mai 2025

Føroyar hava vunnið bólk 6 í EM-undankappingini og eru flúgvand til EM-endaspælið við 9 stigum. Føroyar vunnu í kvøld, 35-27, móti Ukraina í einari kókandi høll Við Tjarnir. Hálvleiksstøðan var 15-13 til Føroyar.

Kunning til áskoðarar

10. mai 2025

Vit síggja fram til eina stórsligna løtu sunnudagin 11. mai í fullsettari høll við Tjarnir, har føroyska landsliðið tekur móti Ukraina í seinasta heimadystinum í EM-undankappingini.

Ein loysn frá Sendistovuni