Tíðindi

Føroysku U16-kvinnurnar møttu avbjóðandi møtstøðu á fyrsta degnum í European Open. Í morgun møttu okkara Noreg, sum vístu seg at vera sera sterkar og taptu okkara 22-11, eftir 13-5 í hálvleikinum. Í seinna dystinum gekk frægari, men taptu okkara eisini, 23 – 17, fyri Kroatia, eftir 14-7 í hálvleikinum.

Hóast sigurin bert var við einum máli, so stýrdu Føroyar dystinum móti Japan í seinna hálvleiki, eftir at fyrri hálvleikur var nakað misjavnur. Føroyar vunnu 30-29, eftir hálvleiksstøðuna 15-14 til Føroyar.

Talan gjørdist um eitt lakari avrik í seinasta dystinum í Nations Cup í Lübeck. Føroyar taptu í dag 28-22 fyri Niðurlondum, eftir hálvleiksstøðuna 15-8 til Niðurlond.

Sum væntað, so var talan um ein torføran dyst hjá U18-monnunum í dag móti Týsklandi, sum vann 32-23, eftir hálvleiksstøðuna 14-10 til Týsklands. Okkara kunnu tó taka nógv jaligt við sær úr dystinum, sum var ein góð trýstroynd undan EM-endaspælinum í august.

Føroyska U18-mennirnir vunnu í kvøld ein tryggan, 37-25, sigur á MTV Lübeck, eftir at Føroyar vóru á odda 16-12 í hálvleikinum. Talan var um vinardyst undan Nations Cup, sum byrjar í morgin.

Landskappingarnar hjá SMS, Burn, 1. deild og ungdómum, niður til U14, eru nú komnar út og liggja á heimasíðuni hjá HSF.

Tað er nú greitt, at U17-kvinnurnar hjá Føroyum skulu til EM-endaspælið í juli/august 2025 í Montenegro. U17 eru gentur føddar í 2008 og 2009.

Hósdagin fer U18-landsliðið hjá monnum til Týsklands, har liðið fer at fyrireika seg til EM-endaspælið við trimum dystum í Lübeck.

Venjararnir, Mark Lausen-Marcher og Kristinn Guðmundsson, hava úttikið hesar leikararnar til fyrireikingarkapping í Lübek í Týsklandi í juni og U18 EM-endaspælið í Montenegro í august.

Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U20 EM-endaspælið í Slovenia.