Tíðindi

Mansliðið hjá H71 tryggjaði sær í kvøld Burn FM-heitið 2026, hetta eftir triðju finaluna móti Kyndli. Hetta er fjórða FM-heitið hjá H71 seinastu fimm árini. H71 vunnu grundspælið og nú tríggjar av trimum finalum.

Ætlar tú til Katowice í desemer 2026 at síggja Føroyar í EM-endaspælinum fyri kvinnur, og vilt tú tryggja tær sess saman við føroyingunum?

Hóast føroyska U20-kvinnulandsliðið ikki vann seg til HM-endaspælið upprunaliga, so hava Føroyar nú fingið eitt sonevnt wild card frá IHF.

Ein av stórstuðlunum á føroysku landsliðsblusuni, er Sp/f Silikal Føroyar, sum er dóttirfelag hjá Sp/f Kjølur. Fyritøkan, sum hevur heimstað í Klaksvík, er veitari av industrigólvum og liggur slitsterka silikalgólvið á í mongum av stóru virkjunum í ali- og fiskivinnuni kring landið.

Landsliðsvenjararnir Peter Bredsdorff-Larsen og Hjalti Mohr Jacobsen hava úttikið hesar 16 leikararnar til HM play-off dystirnar móti Bosnia-Hersigovina, sum verða ávikavist, á útivølli í Tuzla hósdagin 14. mai, og Við Tjarnir leygardagin 16. mai. Samlaði vinnarin kemur til HM-endaspælið í Týsklandi.

Katowice í Póllandi verður heimstaðurin hjá føroyingum og kvinnulandsliðnum til innleiðandi bólkaspælið í EM-endaspælinum í desember. Við lutakastinum í Katowice í dag gjørdist greitt, at mótstøðuliðini verða Frakland, Póllandi og Ukraina.

Lions Club hevur um dagarnar handað Tarmfelagnum ágóðan frá stórsteypadystunum í hondbólti og fótbólti, sum vórðu spældir ávikavist í septembur í fjør og februar/mars í ár.

Kjølbro heilsøla heldur fram sum stuðul hjá Hondbóltssambandi Føroya. Partarnir hava longt verandi sponsorsáttmála, og verður Kjølbro heilsøla verandi ein av sjónligu stórstuðlunum hjá HSF.

Mánadagin 20. apríl kl. 10.00 koma atgongumerkini til HM play-off-dystin hjá monnum millum Føroyar og Bosnia-Hersegovina til sølu. Dysturin verður leygardagin 16. mai kl. 19.00 Við Tjarnir. Sølan verður á tjarnir.fo.

Komandi hósdag, tann 16. apríl kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Oradea ella Cluj-Napoca í Rumenia, í Brno í Kekkia ella Katowice í Póllandi.