U16-kvinnur: Tvey 8-máls tap í dag

Føroysku U16-kvinnurnar taptu báðar teir fyrstu dystirnar til European Open í Gøteborg.

Fyrri dysturin í dag var móti vertunum úr Svøríki og endaði dysturin 23-15, eftir at Føroyar vóru á odda 10-7 í hálvleikinum. Seinni dysturin, móti Montenegro, endaði 26-18 til Montenegro, eftir hálvleiksstøðuna 12-9 til Montenegro.

Føroyska liðið spældi eina fínan fyrra hálvleik móti Svøríki, har tað serliga var ágangandi verjuspælið, sum riggaði væl. Ferð eftir ferð fiskaðu okkara bóltarnar og fingu fleiri góð og løtt mál. Seinni hálvleikur var ein heilt annar. Svenska liðið strammaði í og vann fyrstu tíggju minuttirnar 7-0 áðrenn okkara svaraðu aftur. Ov nógvar tekniska villur og heili 4 brend brotskøst gjørdi, at dysturin var farin.

Málskjúttar hjá Føroyum móti Svøríki:
Rakul Borgarlíð Joensen 3
Silja Geirsdóttir Eystberg 3
Sára Sóleyardóttir Hórðará 2
Katrin Hansen 2
Joan Johannesen 2
Ró Reginsdóttir 1
Helena Magnusardóttir 1
Bára Reginsdóttir 1

Seinni dysturin móti Montenegro var ein annar í mun til hin fyrra. Montenegrinsku leikararnir vóru størri, men eisini tyngri í mun til flytføri. Føroyska liðið byrjaði illa og kom afturum við fleiri málum, áðrenn okkara spakuliga vunnu seg inn í dystin til støðuna 9-9. Tíverri kláraðu okkara ikki at halda stiman og økti Montenegro tað sum var eftir av dystinum. Føroyska liðið gjørdi ov nógvar tekniskar villur og kostaði hetta í fleiri førðum.

Allir leikarar komu á vøllin í dag og vóru fleiri glottar í spælinum. Verjuspælið var til tíðir gott og høvdu okkara málverjar fleiri góðar bjargingar. So hvørt sum liðið verður betri samanspælt, skuldi verið møguleiki fyri betri úrslitum við hesum liðinum.

Málskjúttar móti Montenegro:
Rakul Borgarlíð Joensen 4
Katrin Hansen 2
Joan Johannesen 2
Helena Magnusardóttir 2
Sára Sóleyardóttir Hórðará 1
Silja Geirsdóttir Eystberg 1
Ró Reginsdóttir 1
Elin Maria Rapa 1
Bára Eliasen 1
Fjóla Skaalum Vilhelm 1
Agatha Djurhuus 1
Silrið Kruse Mørkøre 1


Manslandsliðið er úttikið

16. apríl 2025

Hesir skulu royna at vinna Føroyar til EM-endaspælið. Landsliðsvenjararnir, Peter Bredsdorff-Larsen og Hjalti Mohr Jacobsen, hava úttikið hesar 16 leikarar til EM-undankappingardystirnar móti Kosovo og Ukraina í mai.

Soleiðis verður HM-endaspælið

14. apríl 2025

Við kvinnunum luttaka Føroyar fyri fyrstu ferð nakrantíð í einum HM-endaspælið fyri vaksin. HM-endaspælið verður leikt í Týsklandi og Niðurlondum í døgunum 26. november til 14. desember 2025.

Søga! – HM-endaspælið veruleiki!

13. apríl 2025

Føroysku kvinnurnar gjørdu nóg mikið. Føroyar skulu til HM-endaspælið eftir sigur við 9 málum samanlagt móti Litava. Seinni dysturin í Litava var tó misjavnur, og Føroyar taptu 30-29, eftir at Litava var frammanfyri 14-11 í hálvleikinum.

Ein loysn frá Sendistovuni