U20-menn: Sigraðu á Noregi

Hóast spenningur kom í til endans, so var talan um ein sannførandi sigur á Noregi, tá okkara annars høvdu eina trivaliga 6 máls leiðslu í seinna hálvleikir. Tá samanumkom vann Føroyar 33-31 á Noreg, eftir 16-16 í hálvleikinum.

Hetta var fyrsti dysturin nú EM-endaspælið í Portugal er farið í tveir bólkar. Føroyar eru í B-bólkinum, og skulu spæla um eitt pláss í HM-endaspælinum næsta ár.

Støðan í steðginum var 16-16, og eftir eina góða byrjan í seinna hálvleiki løgdu okkara menn seg framum við seks málum eina løtu.

Stóri munurin á dystinum í dag, og avsmurninginum móti Slovenia sunnudagin, var Elias Ellefsen á Skipagøtu, sum var við aftur. Stóra stjørnan á føroyska liðnum var ikki hundrað prosent, men hann gjørdi sera stóran mun og gjørdist greiður toppskjútti við 12 málum.

Í morgin er mótstøðuliðið Pólland. Tað verður trupult, men vinna okkara tann dystin, eru møguleikarnir góðir fyri at vinna sær víðari luttøku.

Føroyar-Pólland verður leiktur klokkan 12 í morgin føroyska tíð. Kringvarpið vísir dystin.

Málskjúttar hjá Føroyum:
Elias Ellefsen á Skipagøtu 12 mál
Hákun West av Teigum 5 mál
Pauli Mittún 3 mál
Sveinur Olafsson 3 mál
Baldur Gillason 2 mál
Janus Dam Djurhuus 2 mál
Rói Ellefsen á Skipagøtu 2 mál
Óli Mittún 2 mál
Viktor Gaini 2 mál

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni