U21-menn: Greitt tap fyri íslendingum

Føroyska U21-landsliðið tapti greitt 31-23 fyri íslendingum í kvøld, eftir hálvleiksstøðuna 15-11 til íslendingar.

Føroyska liðið fekk eina frálíka byrjan og komu okkara fram um 4-1 eftir 5 minuttir. Dysturin gjørdist tó so líðandi javnari og fylgdust liðini stóran part av hálvleikinum. Tað var ikki fyrr enn 5 minuttir fyri hálvleik, at Ísland vann seg nøkur mál fram um. Føroyska liðið royndi seg hesa løtuna við 7 móti 6 spælið, men hepnaðist hetta ikki væl og íslendingar fingu fleiri løtt mál. Á føroyska liðnum var tað serliga Pauli Jacobsen í føroyska málinum, sum stóð ein sera góðan hálvleik og hevði heili 16 bjargingar.

Seinni hálvleikur var sera misjavnur. Føroyska liðið byrjaði illa. Álopsspælið var styrvi við fleiri miseydnaðum innspølum til strikuna, og í verjuni slapp stóri skjúttin hjá íslendingum Tórstein Leo Gunnarsson alt ov lætt til skot. Tá okkara komu til kjansir vóru eisini fleiri av hesum misnýttir. Føroyska álopsspælið ernaðist nakað, tá Brian Slyne kom inn og hevði hann fleiri góðar atsóknir. Besti leikari á føroyska liðnum í seinna hálvleiki var tó ungi Ísak Vedelsbøl, sum stóð seg væl í verjuni og eisini fekk fleiri góð mál av strikuni.

Liðini hittast aftur í morgin kl. 17.30, føroyska tíð, og kann dysturin stroymast á youtube-síðuni hjá íslendska hondbóltssambandinum HSÍ.

Málskjúttar hjá Føroyum:
Ísak Vedelsbøl 6
Kristoffur Bjørgvin 3
Pauli Mittún 3
Baldur Gillason 3
Brian Slyne 3
Bogi Hansen 2(1)
Hákun West av Teigum 2(1)
Rói Ellefsen á Skipagøtu 1

Málverjar:
Pauli Jacobsen 16 bjargingar
Rói Borum Davidsen 3 bjargingar

Kemilux nýggjur stórstuðul hjá HSF

28. september 2023

Hondbóltssambandið og Kemilux hava í dag skrivað undir samstarvsavtalu, har Kemilux verður ein av stórstuðlunum hjá HSF í 2024 og 2025.

Intersport Night Cup 2023

26. september 2023

Nýtið heystfrítíðina aktivt! VÍF bjóðar aftur í ár øllum hondbóltstáhugaðum at luttaka í  ársins Intersport Night Cup. Kappingin verður fyri U10, U12 og U14 gentur og dreingir. 

Neistin víðari og H71 úti

26. september 2023

Bæði H71-kvinnur og Neistakvinnur vunnu annan European Cup dyst í vikuskiftinum. Hjá H71 var hetta tó ikki nokk, tá tær taptu stórt í fyrra dystinum, meðan Neistin vann eftir brotskast kapping.