U17-menn: Taptu eisini seinna dystin

Føroysku U17-mennirnir taptu eisini seinna venjingardystin móti Íslandi. Úrstlið gjørdist 34-28, eftir 18-13 til íslendingar í hálvleikinum.

Dysturin byrjaði ikki væl fyri føroyska liðið og komu okkara afturum 3-0 eftir 5 minuttir. Okkara ernaðust tó eitt sindur og vunnu seg innaftur á íslendingar og var bert eitt mál á muni um miðjan fyrra hálvleik. Yvirtalsspælið hjá føroyingunum hepnaðist ikki serliga væl í dag og gjørdi føroyska liðið ov nógvar villur í álopinum. Hetta var størsti munurin á liðunum í fyrra hálvleiki. Liðini fóru til hálvleiks við 18-13 til Ísland.

Føroyska álopspælið hepnaðist betri í seinna hálvleiki, men helt verjan ongantíð í longri tíðarskeið. Føroyska liðið minkaði niður í tvey mál, men komu okkara ongantíð nærri.

Hóast tap í báðum dystunum hava Føroyar spælt tveir gevandi venjingardystir í vikuskiftinum, har allir leikarar hava sloppið at roynt seg. Næsta uppgávan verður European Open í Svøríki, dagarnar 3. – 7. juli.

Málskjúttar hjá Føroyum:
Jákup Egholm 6 (1)
Rúnar Hammer 6
Jón Midjord 5
Filip Haldansen 4
Magnus Árason 2
Fríði í Innistovu 2
Lýðar í Dímun 2
Haraldur Karlsson 1

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.

EM lutakast hósdagin

17. apríl 2024

Í morgin, hósdagin kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Basel, Innsbruck ella Debrecen.