Á samkomu í ÍSF-húsinum í dag vóru úrvalspengarnir hjá ÍSF útlutaðir. U18-landsliðið hjá monnum fekk tillutað 300.000 kr í bólki 2.
Tilsamans vóru útlutaðar 1,8 mió. kr og var hetta munandi meira enn undanfarnað ár. Tað er serliga úrslitið í European Open, har Føroyar blivu nr. 1 av 24 liðum, sum ger at liðið kann roknast millum heimsins bestu og harvið fáa lut av úrvalspengunum.
Játtaði peningurin ger, at U18-landsliðið kann fyrireika seg væl til komandi uppgávuna, sum er EM-kappingin í august, sum samstundis er ein undankapping til U19 HM-endaspælið í 2021 og U20 EM-endaspælið í 2022.
