Væleydnaður túrur í Skjern

Síðsta vikuskiftið vóru 31 hondbóltsgentur, føddar í 2004, frá feløgnum kring alt landið, á hondbóltsferð í Danmark. Farið varð avstað hósdag og ferðalagið kom aftur til Føroya mánadagin.

Leikarar og venjarar búðu á hondbóltsakadaminum hjá Skjern Håndbold, har venjingar og dystir eisini vóru á skránni.

Vant varð tvær ferðir um dagin, og fríggjadag og sunnudag vóru venjingardystir móti Team Esbjerg og Skanderborg.

Eftir summarfrítíðina verður hesin aldursbólkur til ein landsliðsbólk, og fyrireikingarnar fram móti European Open í Gøteborg í Svøríki, sum verður í juli 2020, byrja.

Hugsanin er at arbeiða í tveimum bólkum við áleið 20 leikarum í hvørjum, so at tað íalt verða eini 40 leikarar í bruttohópinum.

Í næstum verður kunngjørt, hvørji fólk vera í venjaratoyminum, umframt at ein venjingarætlan fyri næsta árið verður kunngjørd.

Kvinnurnar styrkismettar í triðju røð

14. mai 2025

Hósdagin 22. mai verður HM-lutakastið hjá kvinnulandsliðnum. IHF hevur kunngjørt styrkismetingina, og eru Føroyar í triðju røð.

Lutakastið til U19 European Open

14. mai 2025

Í morgin, hósdagin kl. 10.00, verður lutakastið til U19 European Open hjá monnum, sum verður leikt í Gøteborg í døgunum 30. juni til 4. juli. Føroyar eru styrkismettar í triðju røð.

Verkstova við Anju Greve

13. mai 2025

Mikudagin 11. juni verður aftur verkstova fyri fysioterapeutar við viðurkenda danska fysioterapeutinum Anja Greve. Anja hevur verið knýtt at danska hondbóltslandsliðnum hjá monnum í fleiri ár.

Ein loysn frá Sendistovuni