Skeið fyri ungdómsvenjarar

Í september skipar Hondbóltssamband Føroya fyri venjaraskeiði við heitinum “Hvat er týdningarmiklast at læra átta til 12 ára gomul”.

Tvey skeið eru á skránni, annað í Klaksvík og hitt í Havn. Undirvísingin er býtt í tveir partar yvir tveir dagar og er fýra tímar hvørja ferð.

Skeiðið er bæði ástøðiligt og á hondbóltsgólvinum. Dia Midjord og Birgir Hansen eru skeiðshaldarar.

Pláss er fyri 16 luttakarum til hvørt skeiðið, sum kostar 400 krónur.

Tilmeldingin fer fram við at senda teldupost til hsf@hsf.fo. Upplýsast skal navn, føðingardagur, telefonnummar, teldupostur og hvør skal gjalda. Tilmeldingarfreistin er mikudagin 12. september kl. 12.00.

 

 

 

 

Ársins 2022-23

27. mai 2023

Ársins gallaveitsla er í kvøld og hesi hava vunnið ársins heiðrar í hondbólti kappingarárið 2022-23.

Spennandi U-landsliðsskrá

25. mai 2023

Kappingarárið í hondbólti er av, men eru ungdómslandsliðini nú farin undir regluligar venjingarnar fram ímóti spennandi uppgávum í summar. Venjingarnar byrjaðu Kristi Himmalferðardag og halda fram til kappingarnar í summar.

Hákun West av Teigum millum heimsins bestu

24. mai 2023

Hákun West av Teigum er í uppskoti til ársins høgra vong til EHF Excellence Awards 2023.