Árligu stórsteypadystirnir í hondbólti, har tey bestu farna kappingarár kappast um Lionsbikarið, vórðu spældir í Høllini í Kollafirði í dag.
Hjá kvinnum hittust VÍF og Kyndil, ið vóru tey bæði liðini, sum síðsta kappingarár spældu bæði finaluna í steypakappingini og um føroyameistaraheitið. Í báðum førum vann VÍF. Tað eydnaðist heldur ikki kyndlakvinnum at basa vestmannakvinnunum í dag, sum vunnu dystin 28-23.
Hjá monnum hittust føroyameistararnir úr H71 og steypavinnararnir úr Kyndli. Hoyvíkingar vunnu ein tryggan sigur, 30-21.
