Føroyar vundu burtur úr Luksemburg

Føroyska U18-landsliðið við monnum vann sannførandi, tá teir spældu sín seinasta dyst í EM-kappingini í Georgia fyrrapartin. Dysturin var móti Luksemburg um fimta plássið.

Føroyar taptu við fimm málum fyri Luksemburg, tá londini hittust í bólkaspælinum tann 10. august.

Fyrstu løtuna var líkt til, at tað fór at gerast ein spennandi dystur, men miðskeiðis í fyrra hálvleiki byrjaðu Føroyar at draga frá. Tá farið var til hálvleiks var støðan 16-11.

Í seinna hálvleiki kom nakað av spenningi í aftur, tí einu løtuna var munurin tvey mál. Nærri kom Luksemburg ikki. Føroyar drógu frá aftur, og tað gjørdist ein avgreiðsluspurningur.

Føroyar vunnu 35-28 og endaðu harvið nummar fimm í EM-kappingini.

Málverjin, Pauli Jacobsen, varð valdur til dagsins leikara. Hann er kosin besti maður á vøllinum í fýra av teimum sjey dystunum, sum eru spældir í hesari kappingini.

Góð útlit fyri einum endaspæli
Fimta plássið merkir eisini, at Føroyar eru millum 24 tey bestu londini í Evropa í hesum árganginum. Føroyar hava luttikið í B-bólkinum fyri U18-landslið. A-bólkurin hevur dystast í somu kapping í Kroatia.

Tá U18-landsliðið skal taka lut í EM-kappingini í 2019 er nógv upp á spæl. Tann, sum vinnur B-bólkin tá, vinnur sær eisini beinleiðis pláss í HM-endaspælinum fyri U19-landslið. Flestu føroysku leikararnir eru føddir í 2001 og 2002, og teir hava tí eitt og tvey ár eftir í hesum landsliðsárganginum.

Málskjúttar:
Pauli Mittún 7
Hákun West av Teigum 6
Elias á Skipagøtu 5
Julian Kragesteen 5
Dánjal Ragnarsson 4
Sakaris A. Sakarisson 3
Heini á Heygum 2
Martin Danielsen 1
Høgni F. Gaard 1
Andri K. Hansen 1

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.