Aftur ein sannførandi sigur

Føroyar vunnu 29-19 á Grønlandi, tá teir í kvøld spældu sín seinna venjingardyst.

Fyrstu minuttirnar gekk javnt á og liðini fylgdust til 4-4, men so byrjaðu Føroyar at draga frá. Føroysku leikararnir vóru tó ikki eins tryggir í sínum skotum og avleveringum, sum í fyrra dystinum millum londini í gjár.

Ofta hevur tað leikt javnt á millum Føroyar og Grønland, men soleiðis varð ikki hesaferð. Størsti munurin er uttan iva breiddin, sum dómaraseðilin eisini staðfestir. Málskjúttarnir hjá Føroyum vóru 12 í tali, meðan sjey leikarar hjá Grønlandi skoraðu.

Í gjár vunnu Føroyar eisini stórsigur á Grønlandi, úrslitið bleiv tá 37-22.

Føroyska landsliðið spælir aftur 10.apríl í EM-undankappingardysti ímóti Ukraina.

Málskjúttar
Allan Norðberg 5
Peter Krogh 4
Rógvi Dal Christiansen 3
Sjúrður Olsen 3
Jónas G. Djurhuus 3
Vilhelm Poulsen 2
Helgi Hildarson Hoydal 2
Rúni Joensen 2
Eirikur Simonsen 2
Tróndur Kragesten 1
Sámal á Tjaldrafløtti 1
Pætur Thomsen 1

Gallaveitslan 2024

17. mai 2024

Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.

Lutakastið til European Open 2024

15. mai 2024

Lutakast til European Open hevur verið í morgun, har føroysku U16-kvinnurar luttaka í døgunum 1. til 5. juli í Gøteborg.

Dagsatgongumerki til EM

14. mai 2024

Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.