Síðsta vikuskiftið var leikaramenning í Vági fyri U13 og U14 við gentum og dreingum.
Ungu hondbóltsleikararnir norðanfjørðs fóru suður fríggjakvøld og gist varð vesturi á Eiðinum í VB-húsinum, har øll eisini ótu.
Vant var allan leygardagin í høllini, og dystir vóru á skránni í Marghøllini, har báðir vøllirnir vórðu brúktir samstundis. Harumframt sluppu allar leikarar at royna klintriveggin í Marghøllini, við hjálp frá fólki frá ítróttaháskúlanum.
Hondbóltssambandið takkar øllum leikarunum og VB, sum stóð fyri mati og øllum tí praktiska fyri eitt gott vikuskiftið. 
