Greiða tapið fyri eysturíki er líkamikið, FØROYAR skulu til EM!!
Eysturríkar spardu onki, stillaðu við sterkastu manning og vóru eirindaleysir frá byrjan. Eysturríki vann seinasta dystin í EM-undankappingini 38-33 móti Føroyum, eftir 24-16 í hálvleikinum. Tað sum vísti seg at blíva allarmest spennandi, var løtan eftir dystin, har okkara bíðaðu eftir úrslitinum millum Ukraina og Rumenia. Ukraina skuldi vinna við 8 málum, men komu ikki nærri enn 5. FØROYAR skulu sostatt til EM. Tað er heilt ótrúliga STÓRT.
Dysturin var javnur fyrst 5 minuttirnar, men eftir hetta vóru tað eysturríkar, sum sótu á dystinum. Føroyska verjan fekk ongantíð fatur í fyrra hálvleiki og var uppgávan hjá málverjunum samstundis trupul, 24 mál ímóti eru nógv í einum hálvleiki. Í álopinum komu okkara fyri tað mesta til góðar kjansir, men vóru tað løtur, har okkara ikki vóru nóg kaldir.
Í seinna hálvleiki gekk meira javnt á. Pauli Jacobsen fekk ikki fatur í tí stóra í føroyska málinum, men gjørdi Nicholas Satchwell mun tá hann kom inn eftir 10 minuttir. Í álopinum komu føroyingarnir leypandi til góðar málmøguleikar og hóast okkara brendu nakrar kjansir, so gekk vunnu okkara seinna hálvleik við trimum málum.
Málskjúttar:
Hákun West av Teigum 11
Elias Ellefsen á Skipagøtu 4 (1)
Helgi Hildarson Hoydal 4
Óli Mittún 3
Leivur Mortensen 3
Rói Berg Hansen 3
Teis Horn Rasmussen 2
Tróndur Mikkelsen 2
Peter Krogh 1
Málverjar:
Pauli Jacobsen 1 bjarging
Nicholas Satchwell 9 bjarging
Dystargongdin:
5 min: 5-3
10 min: 10-5
15 min: 13-8
20 min: 16-11
25 min: 21-12
30 min: 24-16
35 min: 28-19
40 min: 30-23
45 min: 34-26
50 min: 36-28
55 min: 37-30
60 min: 38-33
