Silikal á landsliðsblusuni

Ein av nýggju stórstuðlunum, sum síggjast á landsliðsblusuni hjá Føroyum, er Sp/f Silikal Føroyar, sum er dóttirfelag Sp/f Kjølur. Tað er Hans Arni Bjarnason Thomsen, sum er stjóri í fyritøkuni, sum hevur heimstað í Klaksvík. Høvuðsvirksemi hjá fyritøkuni er veitan av industrigólvum og liggur slitsterka silikalgólvið á í mongum av stóru virkjunum í ali- og fiskivinnuni kring landið.

Gunn Ellefsen, starvsnevndarforkvinna í HSF, var fyri kortum norðuri í Klaksvík og vitjaði hjá Silikal, har sáttmálin varð undirskrivaður saman við Hans Arna Thomsen. Gunn viðmerkir stutt til sáttmálan, “tað er ótrúliga stuttligt at merkja tann stóra uppbakningin, sum er til landsliðshondbóltin og feløgini kring landið. Tað er saman við tílíkum sterkum viðleikarum og vit flyta okkum frameftir.” Hans Arni Thomsen, stjóri í Silikal Føroyar, er sjálvur hondbóltsspælari, áður í Kyndli og nú í Team Klaksvík. “Tað er ein sannroynd, at tað eru nógv sum arbeiða hugalig kring alt landið fyri at lyfta hondbóltin. Vit síggja dagliga jaligu árini av hesum í nærumhvørvinum hjá okkum í Klaksvík, samstundis sum tað er so ótrúliga stuttligt at síggja okkara landslið blíva betri og betri. Hetta er nakað vit hjá Silikal Føroyar gjarna vilja stuðla.”

Gallaveitslan 2024

17. mai 2024

Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.

Lutakastið til European Open 2024

15. mai 2024

Lutakast til European Open hevur verið í morgun, har føroysku U16-kvinnurar luttaka í døgunum 1. til 5. juli í Gøteborg.

Dagsatgongumerki til EM

14. mai 2024

Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.