European Cup lutakastið

Lutakast hevur verið til European Cup hjá monnum og kvinnum, har H71, VÍF, Team Klaksvík og Neistin luttaka hjá monnum og H71 og Neistin hjá kvinnum.

Lutakastið háttaði seg soleiðis:

Kvinnur 2. umfar:
Handball Erice (Italia) – H71
Cascada HC Garliava (Litava) – Neistin

64 lið luttaka í kappingini og verður byrjað við øðrum umfarið, sum verður leikt í viku 38 og 39, síðst í september.

Menn 1. umfar:
Holon Yuvalim HC (Ísrael) – Neistin
Team Klaksvík – RK Sloboda (Bosnia Hersegovina)

Menn 2. umfar:
Handball Esch (Luksemborg) – VÍF
MRK Trogir (Kroatia) – H71
Team Klaksvík/RK Sloboda – Maccabi Rishon Lezion (Ísrael)
Holon Yuvalim HC/Neistin – BK-46 (Finnland)

76 lið luttaka í kappingini og verður byrjað við fyrsta umfarið í viku 36 og 37, í fyrru helvt av september. Team Klaksvík og Neistin eru styrkismett at spæla í fyrsta umfari, meðan H71 og VÍF eru hægri styrkismett og koma uppí kappingina í øðrum umfari, sum verður leikt í oktober, í viku 41 og 42.

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni