U19-kvinnur: Taptu fyri favorittunum

Føroysku U19-kvinnurnar megnaðu ikki at spæla upp við sponsku kappingarfavorittarnar í dag. Føroyar taptu finaluna í EHF Championship greitt, 34-23, eftir hálvleiksstøðuna 18-12 til Spania.

Tað vóru annars okkara, sum byrjaðu dystin betri og vóru frammanfyri fyrstu 10 minuttirnar. Gott flog var yvir føroyska álopsspælinum og Silja Müller stóð væl í føroyska málinum. Spanska liðið ernaðist tó og fingu tær betri skil á verjuspælinum og vístu tær eisini, hví tær vóru roknaðar sum favorittar til at vinna kappingina. Offensiva verjuspælið nervaði okkara og blivu ov nógv skot brend og villur gjørdar. Spania økti um leiðsluna og gjørdi dysturin tíverri ongantíð veruliga spennandi

Eftir dystin var Maria Pálsdóttir Nólsoy kosin besti leikari hjá Føroyum. Eisini var Bjørk Franksdóttir Joensen kosin til besta høgra bakk í kappingini og Karin Egholm til best høgra vong.

Lesið alt um kappingina, úrslit, støður o.a. her:
W19 EHF Championships 2023 (eurohandball.com)

Dystargongdin:
5 min. 2-2
10 min. 4-5
15 min. 8-6
20 min. 13-8
25 min. 15-9
30 min. 18-12
35 min. 20-13
40 min. 24-16
45 min. 27-16
50 min. 29-18
55. min. 32-19
60 min. 34-23

Málskjúttar hjá Føroyum:
Lukka Arge 5 (3)
Anna Elisabeth Halsdóttir Weyhe 4
Maria Pálsdóttir Nólsoy 4
Sára Lagos 2
Silja Heðinsdóttir 1
Lea Mohr 1
Hanna Jakobsdóttir Dalsgarð 1
Barbara Hammer 1
Inga Maria Roysdóttir 1
Bjørk Franksdóttir Joensen 1
Sára Sigrunardóttir Mikkelsen 1
Anna Sigrunardóttir Mikkelsen 1

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni