Forkunnugir venjarar í leikaramenningini

Um vikuskiftið verður triðja leikaramenning hetta kappingarárið. Hesaferð verður tað fyri børn fødd í 2004 og 2005.

Nakrir av fremstu venjarunum í Føroyum fara at standa fyri venjingunum. A-landsliðsvenjararnir, Sonni Larsen og Jeppe Borch, fara at venja dreingirnar og Dia Midjord genturnar.

Venjingarnar í leikaramenningini byggja á og fylgja føroyska leistinum og læruætlanini hjá HSF. Nakrir av fremstu venjarunum í Føroyum eru gestavenjarar. Harumframt eru fastir hjálparvenjarar knýttir at, umframt at fastir málverjuvenjarar eru til allar venjingarnar.

Hetta er fimta árið á rað, at HSF skipar fyri leikaramenning. Hesi árini hevur HSF ment og tillaga tilboðið, sum er ætlað sum eitt ískoyti til dagligu venjingina í feløgunum.

Leikaramenningin um vikuskiftið verður á Eiði. Umframt at venja, fara genturnar at hyggja á stórskíggja eftir landsdystinum hjá okkara kvinnulandsliði móti Litava.

 

 

Atgongumerkjasøla til manslandsdystin

22. februar 2024

Í morgin, fríggjadagin 23. februar kl. 12.00, koma atgongumerkini til HM play-off dystin Føroyar – Norðurmakedonia til sølu. Atgongumerkini koma til sølu á atgongumerki.fo og kosta 150 kr.

Føroyar í potti 2

20. februar 2024

Føroyska manslandsliðið er styrkismett sum nummar 20 í Europa í løtuni. EHF hevur kunngjørt styrkismetingina undan lutakastinum til næstu EM-undankappingina. Føroyar verða sostatt í potti 2 av 4 til lutakastið.

Steypavinnarar 2024

20. februar 2024

Stóra Faxe Kondi steypafinaluvikuskiftið er farið afturum og var tiltakið aftur í ár sera væl vitja. 18 finalur vóru leiktar og hartil var eisini frálíka finalutiltakið saman við Eydnudeildini.